Te Whāriki a Te Kōhanga Reo
A Distinctly Māori Indigenous Learning Pathway
He Kōrero Whakataki
I roto i ngā mahi whakatipu tamariki, mokopuna he nui ngā mōhio kei tēnā, kei tēnā o tātou. Kei tēnei tauira, te Tauira Whāriki ka whakamanahia aua mōhio e tautokohia ana e te whānau o tēnā, o tēnā kōhanga reo.
Ka taea e Te Whāriki te kawe ngā mahi katoa ka mahia i ngā kōhanga reo. Ka taea te tā-moko ngā moemoeā e whāia ana hei painga mō te mokopuna; ka taea te whakairo ngā huarahi huhua ki te toi o ngā mātauranga hei painga mō ngā mokopuna; ka taea te whakauru mai ngā kara o Rangi rāua ko Papa, me ā rāua tamariki hei whakahihiko te tipu o te tinana, te hinengaro, te wairua me te whatumanawa o te mokopuna. Kei runga i tēnei tauira ka taea e tātou te raranga ngā tūmomo whāriki katoa hei whakamana, hei whakakaha i te tipu o te mokopuna mō tōna ao. Ko te pūtake o Te Whāriki ko te mokopuna. Ko te mokopuna hoki Te Whāriki.
Te Tūāpapa o Te Whāriki
Ngā Kaupapa Whakahaere
Ko ngā kaupapa whakahaere e whā [Whakamana, Kotahitanga, Whānau-Tangata, Ngā Hononga/Ngā Honotanga] o Te Whāriki ngā papa i tohia hei hiki i tēnei marautanga. Ahakoa he aha te mahi, mehemea e hāngai ana ki Te Whāriki me te whakatipuranga o te mokopuna, me ū tonu ki ēnei kaupapa.
Ngā Taumata Whakahirahira
Ko tēnei wāhanga [Ngā Mana] ka whakahokia atu ki ngā whānau mā rātou e whakatau. Hei konei ka wānangatia, ka kōrerorerohia hoki ngā tikanga me ngā mōhio hei tuku ki ngā mokopuna nō te mea ko ngā taumata whakahirahira, koia tērā ko ngā tūmanako mō ngā mokopuna.
Te Katoa o Te Mokopuna
E whā ngā wehenga o te mokopuna hei ahuahu mā tātou, e kīia nei ko te katoa o te mokopuna, arā ko tōna tinana, ko tōna hinengaro, ko tōna wairua me tōna whatumanawa. Ko ēnei ngā whenu o Te Whāriki, ā, ko te mokopuna tonu Te Whāriki e rarangatia nei e tātou.
Te Wererou Tuatahi
Te Tūāpapa o Te Whariki (Wāhanga 1)
Pāwhiria te honongaitua nei kia mātaki I Te Wererou Tuatahi, ā, kia whakarongo ki a Hinematioro Nohotima-Duncan rāua ko Nanny Arapera Royal Tangaere e kōrero ana mō Te Whāriki a Te Kōhanga Reo.
Te Wererou Tuarua
Te Tūāpapa o Te Whāriki (Wāhanga 2)
Pāwhiria te honongaitua nei kia mātaki I Te Wererou Tuarua, ā, kia whakarongo ki a Hinematioro Nohotima-Duncan rāua ko Nanny Arapera Royal Tangaere e kōrero ana mō Te Whāriki a Te Kōhanga Reo.
Mahere Ako
Whakamahere, Whāngai i te reo Māori
Kōrerotia ngā pakiwaitara o onamata ki ngā mokopuna nei kia mātau ai rātou i ahu mai rātou i hea, e haere ana hoki ki hea.
Ko te whakamahere te tūāpapa e pai ai tā te whānau whakatakoto i ō rātau ake whāinga. Nō roto mai i ngā whare pā o ngā tīpuna, te mahere ā-mahi, ā, koia tēnei ko Te Whāriki. Mā Te Whāriki a Te Kōhanga Reo e whakatō te kaha ki roto i te mokopuna ki te ako kia pakari ai tana tipu.
About the Mokopuna Curriculum Pathway
Titiro whakamuri, kia anga whakamua
Look to the past in order to move forward
Te Whāriki is a child-centred and learning-oriented curriculum that guides the educational foundations, approach and practices of Kōhanga Reo. The core principle that underpins Te Whāriki is ‘to empower the child to learn’. Its unique qualities stretch back to infinity, to ancient times, to ancestors and their deeds.
Te Whāriki is built on a foundation of Māori values and belief systems such as:
Mana - having authority, prestige, power, ihi, having rank and essential inner force
Wehi - being awe-inspiring, manaaki, showing respect, and aroha, having love and compassion
Whakapapa - genealogy, tūrangawaewae, identity, te reo, language and tikanga etiquette and behaviour
Pūrakau (story), waiata (song) and kori tinana (physical activity)
And it seeks from us:
Oku tūrangawaewae (self-knowledge) – knowing who we are, what we are, and why we are the way we are helps us be good to ourselves, and the children entrusted to our care. With self-knowledge comes self-belief, self-value, and self-love, all of which will determine our level of commitment to the children we serve, and the quality of that commitment
The possibilities for the development of the mokopuna are infinite. When we weave a strong and secure whāriki-foundation we develop a strong and secure individual. When we nurture the mokopuna in love and respect, we build an individual with mana and power and confidence.
“Ko Te Whāriki te mokopuna. Ko te mokopuna Te Whāriki.”
“Te Whāriki is the child. The child is Te Whāriki.”
Nā Kahurangi Tilly Reedy
Te Whāriki: He whāriki mātauranga mō ngā mokopuna o Aotearoa early childhood curriculum (1996) was one of the first national curriculum documents for early childhood education. Highly regarded in Aotearoa New Zealand and internationally acknowledged, it was developed using a partnership approach as envisaged by te Tiriti o Waitangi.
The development of Te Whāriki was led by Dr. Helen May and Margaret Carr (University of Waikato), and Dr. Tamati Muturangi Reedy, and Tilly Te Koingo Reedy (Te Kōhanga Reo National Trust). May and Carr consulted widely with the early childhood sector while Reedy and Reedy engaged in widespread consultation hui with Kōhanga Reo whānau, kaumātua, and leading Māori educationalists.
The consultation process led to the development of ngā kaupapa whakahaere (principles) and ngā taumata whakahirahira (strands), and the use of the whāriki as a central metaphor. On behalf of the Kōhanga Reo movement, Reedy and Reedy gifted the Māori principles, strands, and metaphors to the wider early childhood education community, who joined them as kaitiaki of this taonga.
Updates to Te Whāriki over the years have left the ngā kaupapa whakahaere (principles) and ngā taumata whakahirahira (strands) untouched. They continue to provide a sound framework for defining two distinct curriculum pathways: one bicultural, and one uniquely indigenous, each with its pedagogy, making it clear that both pathways are of equal status and have mana in their own right.
Tā Tamati Muturangi Reedy rāua ko Te Kahurangi Tilly Koingo Reedy
Te Aitanga ā-Mate, Ngati Porou
Ngā Tātauira Mahere Ako
Pawhiria te whakaahua tātauira mahere ā-tau, ā, kaweatu rānei, whakakōnae rānei, whakaputa rānei mā tō rorohiko.
Pawhiria ngā whakaahua tātauira mahere ā-wāhanga, ā, kaweatu rānei, whakakōnae rānei, whakaputa rānei mā tō rorohiko.
Pawhiria ngā whakaahua tātauira mahere ā-wiki, ā, kaweatu rānei, whakakōnae rānei, whakaputa rānei mā tō rorohiko.
Mātai Mokopuna
Te Mātai, Te Pūmahara, Te Wānanga
Tēnā ko tēnei, he rākau tipu hou, he rākau rea hou - kai te māioio, kai te tīmohea tonu.
Te Mātai
Ko te mātai mokopuna he huarahi tātari i ngā akoranga me ngā whanaketanga o te mokopuna i roto i tōna ake taiao.
Ko tēnei āhuatanga o te mātai mokopuna he mea i whakaarohia i runga i ngā mahi poipoi tamariki o mua, ā, he ingoa i homai ai e Tākuta Tīmoti Kāretu rāua ko Tākuta Wharehuia Milroy. E ai ki ngā tīpuna, mā te mātai i te mokopuna ka mōhio ai rātou he aha ngā pūkenga o ia mokopuna, he aha ngā huarahi hei whakapakari i aua pūkenga, ā, ko wai hoki ngā atua e tiaki ana i aua pūkenga.
Te Pūmahara
Te Pū
Te More
Te Weu
Te Aka
Te Rea
Te Waonui
Te Kukune
Te Pupuke
Te Hihiri
Te Mahara
Te Wānanga
Ko te pūmahara te kaiwhakahoki i te mahara ki te pūtake o ngā mahi kua mahia, ki ngā kōrero i puta mai i reira, ā, ki ngā taumata kua ekehia e te mokopuna i roto i ā tātou mahi. Mā tēnei ka kitea te ara poutama / poutama o te ako, ka whai wāhi ai hoki ngā mahi a te kaiako me te whānau nā reira tonu pea te mokopuna i eke ai. Mā konei anō e mārama ai te titiro me pēhea tātou haere ake nei, arā, me pēhea inā tōaitia tētahi āhuatanga ki mokopuna kē, ki kaimahi kē rānei?
Tirohia anō te whakapapa nei me ōna tāhuhu kōrero; i ahu mai tāua te tangata i Te Pū, i heke iho i Te Korekore ki Te Pō, ā, i whakaputaina mai ki te whaiao, ki te ao mārama. Ko tā te wānanga, he akiaki kia kōrerotia tētahi kaupapa e puta ai te mokopuna, te whānau rānei o te kōhanga reo, ki te whaiao, ki te ao mārama.
Te Tipuranga o te Reo
Ko te reo me ōna tikanga te huarahi matua ako mō te mokopuna e puāwai ai te reo o tōna tipuranga. Ko te whāngai i te mokopuna ki roto i tōna whare kōrero. Ko te poipoi i te mokopuna ki roto i tōna whare rotarota. Ko te ārahi i te mokopuna ki roto i tōna whare pūrākau.
Rā whānau ki te 2 marama
Kei te whakamōhio mai.
Kei te mākū, paru, tumeke rānei.
Ki te 4 marama
Kua puta te mingo kata, me te ngunguru mārie, harikoa rānei.
Ki te 9 marama
Kua whakaputa i te oro reo e rite ana ki te kupu.
Ki te 12 marama
Kua tīmata te whakahuahua kupu.
Kotahi noa iho ia wā.
Ki te 18 marama
Kua whakaputa i te huinga kupu.
E rua, e toru rānei ia whakaputanga.
E 2 tau ki te 4 tau
Kei te whakamātau i ngā kupu hono.
Kua tino nui ake ana kupu.
E 4 tau ki te 6 tau
Kua mau pai te reo.
Kei te whakawhānui i te takoto o tōna reo.
Kua rite ki te reo o ngā pākeke.
Te Tamaiti o te Ao
"E tipu e rea mō ngā rā o tōu ao
ko tō ringa ki ngā rākau a te Pākehā
hei oranga mō tō tinana
ko tō ngākau ki ngā taonga a ō tīpuna Māori
hei tikitiki mō tō māhunga
ā, ko tō wairua ki te Atua nāna nei ngā mea katoa"
NĀ TĀ APIRANA NGATA
He tamaiti i poipoia i roto i Te Kōhanga Reo mai i tōna whānautanga ā pakeke noa, kua tipu, kua tū tangata i roto i te whānau, i te hapū, i te iwi.
Te Aho Matua - Tuakiri Tangata
Te Marautanga o Aotearoa
Kura - Wharekura - Wānanga
Te Whare Ako - Te Tohu Mātauranga Whakapakari Tino Rangatiratanga o Te Kōhanga Reo
He Manu Pīrere - Ngā Karahipi a Te Poari Matua o Te Kōhanga Reo