Ngā Kōhanga Reo o te ao
The Kōhanga Reo of the world
"Pono ki te kaupapa, Puna ko te reo."
He nui te arohia o te kaupapa o Te Kōhanga Reo e ngā kaupapa iwi taketake, ngā kairangahau me ngā whānau, huri i te ao. Kua whakatūhia ētahi kōhanga reo ki Piripane, ki Poipiripi, ki Poihākena, ki Te Urupū, ki Rānana me Hapani.
Mehemea kai te pīrangi rapu koe i ētahi anō kōrero mō te kaupapa nei o Te Kōhanga Reo, tēnā whakapā mai mā te [email protected].
“Be true to the Kaupapa and the language will flourish”
There is strong interest in the Kōhanga Reo Kaupapa from indigenous movements, researchers and whānau from across the globe. Kōhanga Reo have been established in Brisbane, Melbourne, Sydney, Perth, London and Japan.
If you are interested in finding out more about the Kōhanga Reo model, please contact us at [email protected].
E ai ki ngā tatauranga o te tau 2018, neke atu i te 11,700 te hunga kōrero Māori kei Ahitereiria. Ko te Ataarangi tētahi kaupapa reo Māori e tino whāia ana e te hunga pakeke i Poipiripi. Ko tōna 80 nei ngā ākonga e ako ana. Ko Rachel Kelly, nō Ngāti Toa Rangatira, tētahi o aua ākonga rā kua 10 tau e noho mai ana ki tāwāhi.
“I pupū ake te rongo i te matemateāone ki te wā kāinga, ka whakaaro ake au kua roa rawa au ki konei, nō reira me tahuri au ki te whakaohooho i ōku honotanga, i tōku whakapapa, i tōku ahurea Māori hei oranga mōku”.
I mārama anō hoki ia, ki te kore ia e ako i te reo, e kore rawa ana tamariki e mōhio ki te reo.
Nō reira ehara i te mea ohorere te rongo e rapu kōhanga reo ana te hunga Māori ki Ahitereiria mō ā rātou tamariki.
Ki tā te Poari Matua o Ngā Kōhanga Reo mōhio, e 6 katoa ngā Kōhanga Reo kei Poipiripi, kei Poihākena, kei Piripane, kei Te Urupū o Ahitereiria.
Whakapā mai ki Te Poari Matua o Te Kōhanga Reo. E hiahia ana mātou ki te mōhio e pēhea ana koutou, he pēhea hoki te whakatū kōhanga reo ki waho o Aotearoa. Whakapā mai ki [email protected]
According to the statistics from 2018, more than 11,700 Māori language-speaking people lived in Australia. Te Ataarangi is one Māori language initiative that is strongly followed by adults in Sydney. There are about 80 students learning. Rachel Kelly from Ngāti Toa Rangatira, is one of those students who has been living overseas for 10 years.
“The yearning came from our deep affection for home." I thought, “I have been here for too long, so, I must reawaken my connections to my geneaology and to my Māori culture, to enhance my wellbeing.”
She also understood if she didn’t learn the language, her children would not know the language. So, it was not a surprise to hear that the Māori living in Australia were searching for a Kōhanga Reo for their children.
As far as Te Kōhanga Reo National Trust Board are aware, there are a total of six Kōhanga Reo operating in Melbourne, Sydney, Brisbane and Perth, in Australia.
Get in touch with Te Kōhanga Reo National Trust Board. We want to know how you’re going and what the experience of establishing Kōhanga Reo outside of New Zealand is like. Contact us at [email protected]
Te Reo Puāwai
Melbourne, Wyndham Park Community Centre, Railway Avenue, Werribee, Victoria.
Kua whakatūria he kōhanga reo hou ki Poipiripi, Ahitereiria. E tuwhera ana Te Reo Puāwai mō te rua rā ia wiki, mō te kore utu hoki nā te pūtea tautoko a te Kaunihera o reira. (Uiuitanga- Te Karere Hakihea 2012)
Te Waka Wairua, i whakatūhia i te tau 2003
E whakaakona ana e Te Kōhanga o Te Waka Wairua te reo me ngā tikanga Māori ki te hunga Māori e noho mai ana ki Wikitōria. Kua neke atu i te 10 tau e whakahaeretia ana, heoi, i a rātou e hīkoi whakamua ana he nui tonu ngā wero kei mua i te aroaro. (Uiuitanga Te Karere 2017)
Te Reo Puāwai
Melbourne, Wyndham Park Community Centre, Railway Avenue, Werribee, Victoria.
New Kōhanga Reo have been established in Melbourne, Australia. Te Reo Puāwai is open for two days a week, free of charge, due to supporting funds from the local council. (Interview – Te Karere December 2012).
Te Waka Wairua, established in 2003
Te Kōhanga o Te Waka Wairua teaches the Māori language and customs to Māori living in Victoria. It has been operating for more than 10 years. In their journey to the future there are still many challenges ahead.
Postal Address:
29 Victoria Road
2564 Macquarie Fields
Sydney, New South Wales
Australia
Opens on Fridays.
Te Kōhanga Reo o Ēkara, ki Piripane
He kōhanga reo tēnei kei roto i te whare kōhungahunga o Mulberry Bush. E hiahia ana rātou ki te whakawhānui i ā rātou mahi ki Ahitereiria. Heoi, e whakarite ana rātou i ā rātou tamariki mō te hokinga mai ki ō rātou marae.
Te Kōhanga Reo o te Whenua Hou
60-62 Delaware Street Geebung, Brisbane. [email protected]
Ko Geebung kei te takiwā o Chermside, o Wavell Heights me Aspley.
Āhua kotahi haora te tawhiti ki te Gold Coast, 30 miniti ki Logan, kotahi haora ki te Sunshine Coast, ā, 30 miniti ki Redcliffe / Caboolture.
Kiwi Kids
49 Wembley Road, Logan Central, Queensland, Australia. https://kiwikids.com.au/
Ko te kaupapa a Kiwikids he whakatū i ētahi kōhanga whakahī ko tōna aronga he whakapakari i ngā āhuatanga manaaki rangatira i ngā tamariki (i raro tonu i ngā ture o te rohe me te motu) me te whakauru hōtaka reo rua hoki.
Ko te whakaaaro, mā te kaupapa o Te Kōhanga Reo e whakawhanake te iwi e kaingākau ana ki te ako i te reo me ngā tikanga o tōna ahurea Māori.
Ko ngā mātāpono matua ka whāngaitia ki te tamariki i te taha o te whānau, ā, ko rātou anō hoki ka whakarite mahere hei whakahaere i te Kaupapa.
Pukamata - https://www.facebook.com/kiwikidschildcare/
Te Kōhanga Reo o Ēkara, in Brisbane
This is a Kōhanga Reo inside of the Mulberry Bush early childhood centre.
They want to expand their work in Australia. But, they are preparing their children for their return to their village courtyards.
Te Kōhanga Reo o te Whenua Hou
60-62 Delaware Street Geebung, Brisbane. [email protected]
Geebung is located in Chermside, Wavell Heights and Aspley. It is about one hour from the Gold Coast, thirty minutes to Logan, one hour to the Sunshine Coast and thirty minutes to Redcliffe / Caboolture.
Kiwi Kids
49 Wembley Road, Logan Central, Queensland, Australia. https://kiwikids.com.au/
The purpose of Kiwikids is to establish proud Kōhanga Reo whose focus is to strengthen the hospitable and generous attributes in children (under the regional and national guidelines) and to also implement a bilingual programme.
The idea is that the Kōhanga Reo initiative will develop the people passionate about learning the language and the customs of their Māori culture. The main principles will be fostered in the children, alongside the families, and they will also prepare plans to run the initiative.
Facebook - https://www.facebook.com/kiwikidschildcare/
Nā Kaua Te Rangi Tuhura (He Minita nō te Hāhi) te kōrero i te tau 2014 me whakatū he kōhanga reo ki te Urupū. He maha tonu ngā pātai kua uia ki te rōpū kapa haka o reira, ki a Manawa Mai Tawhiti, kia noho ko rātou hei ahi kā mō te hunga Māori. Ruarua nei ngā kōhanga reo e whakaritea ana.
Tom Price Township
Kei te rohe o Pilbara tētahi taone iti keri whenua ko Tom Price te īngoa. 15 haora te tawhiti mā runga motukā mai i Te Urupū, ka mutu, e kore koe e whakaaro he kōhanga reo kei reira.
Heoi, ia Rāmere, 17 ngā tamariki ka whakakao mai ki Te Kōhanga Reo iti o Tame Utu.
Ko Ani Werahiko, nō Ngāi Te Rangi me Ngāti Ranginui, te kaiako e mōhiotia ana e ngā tamariki ko Nani Ani.
“I mauria mai ngā kākano mai i te kāinga i Aotearoa, nā ka haramai mātou ki kōnei, ki Tom Price, ki te rapu mahi hei oranga mō mātou me te whakatō anō hoki i aua kākano”
Ko te nuinga o ngā tamariki e whakaakona ana e Nana Ani he reanga tuarua ki Ahitereiria, ā, ko te kōhanga reo anake te wāhi e kōrero Māori ana, e whakatinana ana rātou i ngā tikanga.
Kaua Te Rangi Tuhura (a Minister from the Church) said in 2014 that a Kōhanga Reo must be established in Perth. The performing arts group there, Manawa Mai Tawhiti, are often requested to be the home presence for the Māori people. Few Kōhanga Reo are being established.
Tom Price Township
In Pilbara is a small mining town called Tom Price. It is a 15-hour drive from Perth and you wouldn’t think there would be a Kōhanga Reo there. However, every Friday, 17 children come together to Te Kōhanga Reo iti o Tame Utu. Ani Werahiko, from Ngāi Te Rangi and Ngāti Ranginui is the teacher and is known by the children as Nani Ani.
“The seeds were brought from our home in New Zealand, we then came here, to Tom Price, to find jobs for our betterment and to plant again those seeds.”
Most of the children being taught in Australia are the second-generation in Australia, the Kōhanga Reo is the only place where the Māori language is spoken, and they are embodying their customs.
Rānana, London. Aotearoa Whare, 80 Haymarket, SW1Y 5, Rānana Peretānia
Ko Te Kōhanga Reo o Rānana tētahi kura whakaako reo me ngā tikanga, ā, he kipakipa anō hoki i ngā tamariki me ngā mātua ki te kōrero Māori.
I whakatūria Te Kōhanga Reo o Rānana i te tau 1997 i te marama o Whiringa ā-nuku i raro i te maru o Te Rōpū Kapa Haka o Ngāti Rānana. Nā te pono me te ū o ngā mātua i tū ai te kōhanga reo.
https://www.facebook.com/pg/kohanga/about/?ref=page_internal
London. Aotearoa Whare, 80 Haymarket, SW1Y 5, London, Britain.
Te Kōhanga Reo o Rānana is a school that teaches the language and customs, and encourages the children and parents to speak Māori.
Te Kōhanga Reo o Rānana was established in October 1997 under the mantle of the Ngāti Rānana London Māori Club. The Kōhanga Reo was established due to the faith and determination of the parents.
https://www.facebook.com/pg/kohanga/about/?ref=page_internal
Te Kōhanga Reo o Nakagami
He kāwai whutupōro e rere ana i ngā toto o ngā tuākana Ellison. Ko tō rāua tipuna koroua ko Thomas Rangiwahia Ellison, te kāpene o te kapa whutupōro tuatahi ki te mau i te rārauhe hiriwa.
E takaro ana ngā tuākana nei ki te karapu whutupōro o Kurita ki Hapani. Nā te hiahia ki tō rātou ao Māori mō ā rātou tamariki i whakatūria ai e rātou he kōhanga reo.
Ko te kōhanga reo nei, ko Te Kōhanga Reo o Nakagami. “Koinā te ingoa o te rohe e noho nei mātou ki Akishima” e ai ki a Leon Ellison.
“Nā te mea i whakatipuhia ahau ki te ao Māori, ko te hiahia kia pērā anō aku tamariki ahakoa kei tāwāhi mātou e noho ana,” hei tā te hoa rangatira o Leon, o Rongorito Ellison.
Kua 7 marama e whakahaeretia ana e Leon rāua ko Rongorito te kōhanga reo mai i tō rāua whare.
Hei tā Leon, “Ko tā māua, he whakahaere kaupapa e rite ana ki ā ngā kōhanga reo i Aotearoa pēnei i te karakia, i te waiata, i ngā mōteatea me te mihimihi”.
Te Kōhanga Reo o Nakagami
Rugby runs in the genes of the Ellison brothers. Their grandfather, Thomas Rangiwahia Ellison, was the captain of the first rugby team to wear the silver fern.
The brothers are playing for the Kurita rugby club in Japan. They established a Kōhanga Reo because of their hunger for their Māori world for their children.
The Kōhanga Reo is called Te Kōhanga Reo o Nakagami. “That is the name of the region we reside in, in Akishima”, according to Leon Ellison.
“Because I was raised in the Māori world, I want the same for my children, although we are living overseas”, according to Leon’s partner, Rongorito Ellison.
Leon and Rongorito have been operating this Kōhanga Reo from their house for seven months.
According to Leon, “We run initiatives similar to Kōhanga Reo in New Zealand like incantations, songs, laments and greetings.”
E 46 ngā pānui mō te mana o ngā iwi taketake kei roto i Te Whakapuakitanga o te Rūnanga Whakakotahi i ngā Iwi o te Ao mō ngā Mana o ngā Iwi Taketake (UNDRIP).
He whānui te tirohanga ki ngā āhuatanga pēnei i te tino rangatiratanga o ngā iwi taketake, te noho mahea, te mau ki te rongo, te noho haumaru, te pupuri i te mana whenua, te whakarauora i ngā tikanga, i ngā kawa, i te mana atua me te mana reo. https://www.refworld.org/docid/471355a82.html
Ko ngā iwi taketake katoa o te ao he ōrite ngā whawhai, he ōrite ngā hiahia pērā i te reo, i te here o te pito ki te whenua me te aro nui ki te hauora o te iwi i onamata, i ēnei rā nei, ā, i ngā rā kei te tū mai. Ko te mau ki te reo me ngā tikanga, te mau ki te mana whenua, ngā tino āhuatanga e paihere ana i te oranga tonutanga o te wairua.
I te tau 1982 ka tīmatahia te Kaupapa o Te Kōhanga Reo e te iwi whānui. Nā ngā kaumātua i para te huarahi whakarauora i te reo me ngā tikanga, te whakamana anō hoki i te whānau. Taro ake ka whāia te tauira nei e ngā iwi o ngā moutere me te ao whānui.
Nā te Kaupapa o Te Kōhanga Reo i taea ai e Ngā Iwi Taketake o te Ao te whakarauora ō rātou ake reo, pērā i Hawaii, i Kanata, te iwi Inuit, i Amerika, i Tahiti, i Soweto, i hea noa atu.
He kanohi kitea hoki Te Kōhanga Reo i te hui a UNESCO i tū ki Rarotonga i ngā tekau tau mai i 1990 mō te kaupapa o te Mātauranga, mō te taha Ahurea me te Mana Motuhake. He whakahuihui tā tēnei wānanga i ngā iwi taketake puta noa i te Moana nui a Kiwa. Ko Iritana Tawhiwhirangi, te Tumu Whakarae, rāua ko te kaumātua o te Poari, ko Te Ao Peehi Kara, ngā māngai mō Te Poari o Te Kōhanga Reo.
Ko tā te Poari whakatakoto ai ki te whakaminenga i takea mai i te horopaki ako ā-whanau hei huarahi whakarauora reo, tikanga taketake anō hoki. Nā tēnei kaupapa, nui ana te whakaaweawetia o te hui.
I ngā tau tata nei kua whakamahia tēnei tauira e ngā iwi o Te Moana nui a Kiwa.
Kua tū ngā kōhanga reo o ngā Māori o Hāmoa, o Tokelau, o Kuki Airini, o Tonga me Fiji i Aotearoa nei. I Hawaii ko ngā Punana Leo, ā, nō muri iho i te taenga mai o te tamāhine a Nelson Mandela ki te Poari Matua o Te Kōhanga Reo, ka tīmatahia te kaupapa ki tōna whenua i Soweto.
Kua hōrapa te Kaupapa a Te Kōhanga Reo nā te taea o ana āhuatanga te whakawhitiwhiti ā-ahurea ki whenua kē. Nā te māmā o te whakawhitinga ahurea, kitea ana ko te Kaupapa pea he tauira ka taea te panoni hei tauira whai mana mō te ao i tua atu i Te Moana nui a Kiwa.
Kua tae kē mai ngā māngai o ngā whenua nei ki te whiriwhiri kōrero e pā ana ki te Kaupapa, me te aha, mārama ana te kitea o te pai o Te Whāriki a Te Kōhanga Reo hei waka whāngai i ngā kōrero tuku iho ki ā rātou tamariki. I nā tata nei te āheinga o te whakawhitiwhitinga tauira me ngā iwi taketake o Taiwan me Rapanui.
Kua whakawhitiwhiti, kua tūhonohono anō hoki ngā māngai o Te Kōhanga Reo ki ēnei whenua. He rite tonu te tūtakitaki o te whānau Kōhanga Reo ki ngā iwi taketake i ngā hui nui o te ao, otirā, ko te Hui Nui a Ngā Iwi Taketake o te Ao mō te Mātauranga, (WIPCE) te tino o ngā hui.
There are 46 articles regarding the rights of Indigenous peoples in the United Nations Declaration on the Rights of Indigenous Peoples (UNDRIP).
It is a summary view of topics such as self-determination of Indigenous peoples, living free, holding onto peace, safety, maintaining authority over the land, revitalising customs, laws, spiritual beliefs and language. https://www.refworld.org/docid/471355a82.html
For Indigenous peoples of the world, the fights are the same, the desires are the same, like language, having an umbilical connection to the land and the health of the tribe in the past, today, and in the future. Maintaining the language and customs, holding onto self-determination are the key things that nurture the wellbeing of the spirit.
In 1982, the initiative, Kōhanga Reo was started by the people. The elders paved the way to revitalise the language and the customs and to empower families. After some time, this example was followed by Pacific Islanders and the world at large.
It was because of the initiative, Te Kōhanga Reo, that Indigenous peoples were able to revitalise their own languages, like in Hawai’i, Canada, the Inuit people, in America, Tahiti, Soweto and many other places.
Te Kōhanga Reo were also a strong presence at the UNESCO meeting in Rarotonga in the 1990s regarding Education, Culture and Self-Determination.
This initiative brought together Indigenous peoples from throughout the Pacific Ocean. Iritana Tāwhiwhirangi, the CEO, and the elder of the Board, Te Ao Peehi Kara, were the representatives of Te Kōhanga Reo National Trust Board.
What the Trust laid out to everyone came from the context of learning as a family as a route for revitalising the language and ancient customs too. The event provided much inspiration.
In recent years, this model has been used by Pacific peoples.
Pre-schools for the Indigenous peoples of Samoa, Tokelau, Cook Islands, Tonga and Fiji have been established here in New Zealand. In Hawai’i there are Punana Leo, and after Nelson Mandela’s daughter was introduced to the Kōhanga Reo National Trust Board, the initiative was started on her lands in Soweto.
The initiative, Kōhanga Reo, has become widespread because of how adaptable it’s aspects are to change towards other cultures. Because of how easy it is to change cultures, this initiative is perhaps able to be applied as an example for the world, beyond the Pacific Ocean.
The leaders of different lands have already come to discuss this initiative and it’s clear to see the benefits of Te Whāriki o Te Kōhanga Reo as a vessel to transmit historical narratives to their children. Recently there have been example exchanges with the Indigenous peoples of Taiwan and Rapanui.
The leaders of Kōhanga Reo have discussed and connected to these lands. The Kōhanga Reo family regularly meets with Indigenous peoples in worldwide meetings, with the World Indigenous Peoples Conference on Education (WIPCE) being the most important meeting.
Mai i te hui tuatahi o ngā Hui Nui a Ngā Iwi Taketake o te Ao mō te Mātauranga i tū ki Kānata i te tau 1987, he rite tonu te hokihoki atu a Te Kōhanga Reo ki ēnei momo hui. Nā te kaha whakaaweawe o te kaupapa i taua hui rā, ka takatū a Aotearoa ki te whakahaere i te hui tuarua i te tau 1990. Kua pakari tēnei hononga a Te Kōhanga Reo ki ngā hui katoa a te WIPCE.
From the first World Indigenous Peoples Conference on Education, hosted in Canada in 1987, Te Kōhanga Reo regularly returns to these types of conferences. Because of the strong inspiration that Kōhanga Reo provided the conference, New Zealand organised the second conference in 1990. This has made a strong connection from Kōhanga Reo to all of the conferences held by the WIPCE.
He maha ngā whānau, ngā kaupapa kaimahi, ngā whānau Kōhanga Reo me ngā mema o Te Poari Matua o Te Kōhanga Reo kua tae ki ngā hui nui o te ao.
Ko te hui nui a WIPCE e whakahaeretia ana ia toru tau, te tino o ngā tino hui. E whai ake nei te rārangi o ngā hui nui o te ao i tae atu ai Te Kōhanga Reo.
1987 - Te hui tuatahi a Ngā Iwi Taketake o Te Ao i tū ki Vancouver, Kānata
1990 - Te hui tuarua a Ngā Iwi Taketake o Te Ao i tū ki Ngāruawāhia, Aotearoa. Nā Te Kōhanga Reo tēnei hui i whakahaere
1993 - Te hui tuatoru a Ngā Iwi Taketake o Te Ao i tū ki Wollongong, Ahitereiria
1996 - Te hui tuawhā a Ngā Iwi Taketake o Te Ao i tū ki Hawaii
1999 - Te hui tuarima a Ngā Iwi Taketake o Te Ao i tū ki Mehiko
2002 - Te hui tuaono a Ngā Iwi Taketake o Te Ao i tū ki Alberta, Kānata
2005 - Te hui tuawhitu a Ngā Iwi Taketake o Te Ao i tū ki Waikato, Aotearoa
2008 - Te hui tuawaru a Ngā Iwi Taketake o Te Ao i tū ki Poipiripi, Ahitereiria
2011 - Te hui tuaiwa a Ngā Iwi Taketake o Te Ao i tū ki Cusco, Peru
2014 - Te hui tuangahuru a Ngā Iwi Taketake o Te Ao i tū ki Honolulu, Hawaii
2017 - Te hui tuangahuru mā tahi a Ngā Iwi Taketake o te Ao i tū ki Toronto, Kanata
Ētahi atu whakahuihuinga
1999 - First Transitions Seminar, Te Whanganui a Tara. Te Whare Nawe mō ngā Tamariki. Whiringa ā-rangi
2000 - Wānanga Ao mō te Mātauranga me ngā Tamariki Mokopuna, Singapore
2002 - Wānanga Ao mō te Mātauranga me ngā Tamariki Mokopuna, Tāmaki Makaurau, Aotearoa
2003 - Rūnanga whakakotahi i ngā Iwi Taketake o Te Ao, New York, Amerika
2004 - Wānanga Reo Taketake o Te Ao
2004 - Wānanga Mātauranga Taketake o Te Ao
2004 - Manoir Saint-Sauveur, Kānata
2008 - Hui whakataki Mātauranga mō ngā Iwi Taketake o Te Ao. Moscow, Rūhia
There are many families, workers, Kōhanga Reo families and members of Te Kōhanga Reo National Trust Board that have attended the worldwide conferences.
The WIPCE is the most important and is held every three years. What follows is the sequence of the worldwide conferences which Te Kōhanga Reo have attended.
1987 – The first World Indigenous Peoples Conference, held in Canada
1990 – The second World Indigenous Peoples Conference, held in Ngāruawāhia, New Zealand. Te Kōhanga Reo organised this conference
1993 – The third World Indigenous Peoples Conference, held in Wollongong, Australia
1996 – The fourth World Indigenous Peoples Conference, held in Hawaii
1999 – The fifth World Indigenous Peoples Conference, held in Mexico
2002 – The sixth World Indigenous Peoples Conference, held in Alberta, Canada
2005 – The seventh World Indigenous Peoples Conference, held in Waikato, New Zealand
2008 – The eights World Indigenous Peoples Conference, held in Melbourne, Australia
2011 – The ninth World Indigenous Peoples Conference, held in Cusco, Peru
2014 – The tenth World Indigenous Peoples Conference, held in Honolulu, Hawaii
2017 – The eleventh World Indigenous Peoples Conference, held in Toronto, Canada
Other gatherings
1999 - First Transitions Seminar, Wellington. Te Whare Nawe mō ngā Tamariki. November
2000 - Wānanga Ao mō te Mātauranga me ngā Tamariki Mokopuna, Singapore
2002 - Wānanga Ao mō te Mātauranga me ngā Tamariki Mokopuna, Auckland, New Zealand
2003 - Rūnanga whakakotahi i ngā Iwi Taketake o Te Ao, New York, America
2004 - Wānanga Reo Taketake o Te Ao
2004 - Wānanga Mātauranga Taketake o Te Ao
2004 - Manoir Saint-Sauveur, Kānata
2008 - Hui whakataki Mātauranga mō ngā Iwi Taketake o Te Ao. Moscow, Russia
Ngā kōrero i whakatakotoria e ngā māngai o te Poari Matua o Te Kōhanga Reo:
Black, T, Irwin, K. Marshall, P. 2003. United Nations Convention, New York, USA
Royal Tangaere, A. 2004. I want to tell you a story. Keynote address at the Aboriginal Languages Conference First Nations Education Council, Manoir Saint-Sauveur, Canada
Royal Tangaere, A. 1997. Te Kōhanga Reo. More than a language nest. SET ECE Folio 3. Wellington, New Zealand Council Education Research
Royal Tangaere, A. 1999. He taonga te mokopuna. Keynote address at First Transitions Seminar, Wellington. Children’s Issues Centre. November.
Tawhiwhirangi, I. 2009. Te Kōhanga Reo National Trust, 1990. Rūnanga Tangata Whenua o te Ao. World Indigenous Peoples Conference - Education. New Zealand, Turangawaewae
The presentations made by the representatives of Te Kōhanga Reo National Trust Board:
Black, T, Irwin, K. Marshall, P. 2003. United Nations Convention, New York, USA
Royal Tangaere, A. 2004. I want to tell you a story. Keynote address at the Aboriginal Languages Conference First Nations Education Council, Manoir Saint-Sauveur, Canada
Royal Tangaere, A. 1997. Te Kōhanga Reo. More than a language nest. SET ECE Folio 3. Wellington, New Zealand Council Education Research
Royal Tangaere, A. 1999. He taonga te mokopuna. Keynote address at First Transitions Seminar, Wellington. Children’s Issues Centre. November
Tawhiwhirangi, I. 2009. Te Kōhanga Reo National Trust, 1990. Rūnanga Tangata Whenua o te Ao. World Indigenous Peoples Conference - Education. New Zealand, Turangawaewae