E Rangi, kei taku ariki, nei au ka tangi

Kua ekeina e koe te Tuangahuru mā Waru o ō tau hei Kīngi mō tō iwi Māori
Hei whakamaunga atu mā ō mokopuna i te Whare o Te Kōhanga Reo
Tirotiro kau au i te pō
Mahuta ake ai te tohu o mate
Nā kōnei a ngākau ka mapu
Kia kitea noatia te kupu 
Parewaekohutia te tihi o Taupiri
Ngāueue ana te whenua
Koia taku manawa e hē nei
Taku manawa e kakapa nei
Ko te manawa o Ngā Kōhanga Reo o Te Motu 
E Kīngi Tuheitia Pōtatau Te Wherowhero Te Tuawhitu ka riro nei
Te peka hei nōhanga mā ngā manu o te Kōhanga Reo ka whati
He pāpā
He koroua
He hoa
He ariki
He Kīngi

E te motu kua riro a Kīngi Tuheitia
Mana o ngā mana
Uri mātāmua o ngā waka

Ka taumaha te peka i Te Reinga
Ko te mārire o te pō ki a koe

E Te Makau Ariki, a koe ko tō pā harakeke, ko te whare ariki nui tonu e kore e mimiti te aroha ki a koutou.

We are saddened to share the news of the passing of Kīngi Tuheitia Pōtatau Te Wherowhero VII. He passed peacefully surrounded by his family, the Makau Ariki, Whatumoana, Korotangi and Ngawai hono i te Po.

Te Kōhanga Reo National Trust pays tribute to Kīngi Tuheitia and the Kīngitanga for it’s support and patronage of the Kaupapa of Kōhanga Reo as we celebrated his 18^th Coronation recently.

As we await further details, the Kings Office has said that Kīngi Tuheitia will lie in state for 7 days at Tūrangawaewae Marae. We will share more information as it comes to hand.

Taihoa whakariterite ai tātou i a tātou i roto i ngā tūneke o te wā.

Kāti, e taku Ariki, moe mai rā i roto i ngā ringaringa o te Atua, kia au ai te moe.

Nā Te Poari Matua.